Ольгинскæйы цæрæг Гæвдынты Рифузæ дæр уыд сæргълæууæгмæ комкоммæ эфиры йæ фарст чи радта, уыдонимæ. Сылгоймагæн йæ хæдзары сæр ис заууат уавæры. Къæвдаты рæстæг дон мидæмæ бакæлы. Сылгоймагыл цæуы 76 азы. Бирæ азты фæкодта уæззау куыст, йе ‘нæниздзинад фæцудыдта.
Ныртæккæ Рифузæйæн йæ бон æнæ искæй æххуысæй цæуын нæу. Республикæйы сæргълæууæгимæ комкоммæ эфиры тыххæй базыдта телеуынынады. Сфæнд кодта йæ лыггæнинаг фарстаты тыххæй радзурын. Йæ уавæр бамбарын кодта.
Колл-центры фарстатыл бакуыстой æмæ сæ арвыстой республикæйы сæргълæууæгмæ. Йæ хæдзары иу хай ныккæлыны ввонг уыд, бæстыхайы сæр заууат уавæры кæй уыд, уый аххосæй. Специалисттæ бынатмæ æрцыдысты абон райсомæй æмæ æвæстиатæй райдыдтой куыстытæ æххæст кæнын.
Профилон министрад дæр фарстæн æвæстиатæй дзуапп радтой, хъуыддаг аиуварс кæнынмæ ссардтой кусджыты.
Æппæт куыстытæн дæр бахъуыд бон. Сылгоймаджы мидбылхудт та у кусджытæн у стырдæр арфæ. Гæвдынты Рифузæйæн ахæм æххуыс тынг ахсджиаг у.
Иу фарста лыггонд æрцыд. Фæлæ ма ис æндæр бакусынаг хъуыддæгтæ дæр. Сылгоймаг дары хæс коммуналон лæггæдтæй.
Ныридæгæн дзы пенсисæг 17 мины бафыста. Рифузæмæ нæй найæн уат дæр. Республикæйы хицауад æм ам дæр кæй фæкæсдзæн, ууыл сылгоймаг йæ зæрдæ дары.
