Хæххон паддзахадон аграрон университеты хуыздæр рауагъдонтæн абон кадджын уавæры радтой сырх дипломтæ

Хæххон паддзахадон аграрон университеты хуыздæр рауагъдонтæн абон кадджын уавæры радтой сырх дипломтæ. Иттæг хорз бæрæггæнæнтимæ университет каст фесты 139 студенты. Уыдонæй 56 райстой астæуккаг сæрмагонд ахуырад, 83 та уæлдæр ахуырад. Æдæппæтæй ацы аз университет рауагъта 843 адæйджы. Уыдонæй бакалавртæ – 332, 134 – специалисттæ æмæ 94 та магистртæ. Бирæтæ ныридæгæн зонынц сæ фидæны архайд, кæм куысдзысты, уый. Зæгъæм, Гуæздæрты Батраз каст фæцис юридикон факультет. Дарддæр дæр æй фæнды ацы хъабазы архайын æмæ рæзын.