Æппæтуæрæсеон адæмон фронты уæнгтæ бæрæг кæнынц, Дзæуджыхъæуы скъолаты тæвд хæринаг сабитæн куыд цæттæгонд цæуы, уый. Федтой 36, 38 æмæ 30-æм скъолатæ.
Регионалон штабы уæнгтæ æркастысты, санитарон домæнтæ æмæ Уæрæсейы фæлхасгæнджытæм цæстдарды службæйы домæнтæ куыд æххæст кæнынц скъолаты хæрæндæтты. Тæвд сихортæ цæттæ кæнынц радийан кълæсты сабитæн. Хæрынц лæвар. 38-æм скъолайы ахæм сабиты нымæц у 614, 36-æм скъолайы – 400, 30-æмы та – 510.
Æппæт скъолатæ дæр æмгуыст кæнынц Дзæуджыхъæуы хæринаджы комбинатимæ. Меню арæзт у 10 бонмæ. Активистты ныхæстæм гæсгæ, арæх хъазт кæнынц, хæринаг хъарм кæй нæ вæййы, уымæй. Мониторингы рæстæг уагхæлдтытæ нæ рабæрæг. Штабы уæнгтæ дарддæр дæр бæрæг кæндзысты горæты æмæ районты скъолатæ.
