Хъæууон ипотекæ 3%-ыл райсæн ис 2022-æм азы кæронмæ. Уæрæсейы хъæууон-хæдзарадон банк дарддæр цæрджыты курдиæттыл кусы. Абоны онг банк кредитты хуызы рахай кодта 26 млрд сомы. Æппæты арæхдæр кредиттæ исынц Башкортостан, Татарстан, æмæ Удмуртийы, уыимæ Новосибирск, Белгород, Тюмен, Челябинк æмæ Иркутскы областты, стæй Красноярскы крайы.
Уæрæсейы хицауады вице-премьер Виктория Абрамченкойы ныхæстæм гæсгæ, программæйæн хицауад рахай кæндзæн ноджы 2 млрд сомы. 3 млрд сомæй сæ цæрæн уавæртæ фæхуыздæр кæндзысты 45 мин адæймагæй фылдæр. Кредит чи исы, уый йæхæдæг æвзары, цавæр банкæй райса льготæтæ, уый.
Уæрæсейы хъæууон хæдзарады министрады куыд бæрæг кæнынц, афтæмæй хъæууон ипотекæ райсæн уыдзæн 25 азы æмгъуыдмæ, 21 азæй 64 азы кæуыл цæуы, уыдонæн. Ахæм кредит райсыны бар дæттынц æрмæстдæр иу хатт. Сæрмагонд программæйыл æххæстæй кусын райдыдтой æппæт регионты дæр.