«Эссе», зæгъгæ, ахæм сæргондимæ равдыст байгом Хетæгкаты Къостайы хæдзар-музейы Дзæуджыхъæуы. Сæ куыстытæ равæрдтой цæгатирыстойнаг нывгæнджытæ Хъесаты Марат æмæ Гаситы Владислав. Бацæттæ кодтой 40 нывæй фылдæр, сты алыхуызон. Хъесаты Марат бацæттæ кодта «Отцы и дети», зæгъгæ, нывты къорд. Гаситы Владислав та равдыста Дзуары алыхуызон нывтæ.
Культурон мадзалмæ саккаг кодтой республикæйы нывгæнджыты цæдисы минæвæрттæ, студенттæ æмæ сын сæ курдиатæн аргъ чи кæны, уыдон. Ахæм иумæйаг равдыст сарæзтой фыццаг хатт. Экспозици фенæн уыдзæн ног азы январмæ.