Хи`гъдауæй хæдзары бадыны æмæ хииппæрддзинады æнæмæнг фæтк йæ тыхы ис Цæгат Ирыстоны. Республикæйы цæрджытæй курынц, цæмæй æнæхъуаджы хæдзарæй æддæмæ ма цæуой. Барадхæлдтыты нымæц схызт. Карантины домæнтæ не ххæст кæныц 39 адæймаджы. Фæлæ уый нырма уал кæй рабæрæг кодтой, уыдон сты. Мидхъуыддæгты министрады кусджытæ снысан кодтой 3000 фыстæджы. Карантины домæнтæ чи халы, уыдоны казрдæр хуызы æфхæрыны тыххæй Уæрæсейы хицауад сразы ис.
Сæрмагонд закъонмæ ивддзинæдтæ бахастой. Афтæмæй, административон кодексмæ гæсгæ, карантины домæнтæ чи не*ххæст кæны, уыдоны ивар кæндзысты 150-йæ-300 мин сомы онг, уый кæд иннæ адæймаджы фæрынчын кодта, æмæ йæ аххосæй фæмард, уæд. Юридикон бæрнондзинад кæмæ ис, уыдоны та ивар кæндзысты 300-йæ 500 мин сомы онг. Карантины рæстæг, адæмæн зианхæссæг митæ чи кæна, уыдоны æфхæрдзысты 15-æй – 40 мин сомы онг. Юридикон бæрнондзинад кæмæ ис уыдоны – 50-йæ-150 мин сомы онг. Æппæты фылдæр ивар – 500 мин сомы. Ахæм хуызы æфхæрдзысты юридикон бæрнондзинад кæмæ ис æмæ сæ аххосæй адæймаг куы фæмард уа, уæд.
