preloader
сейчас в эфире
14:35
ВОКЗАЛ ДЛЯ ДВОИХ 12+
Смотрите Далее
15:00
ВЫБЕРИ ЖИЗНЬ 12+
16:00
НОВОСТИ 12+
16:15
ЖЕСТОКИЙ СТАМБУЛ 12+
17:45
ХЪУСЫНГÆНИНÆГТÆ 12+
17:50
КОММУНАЛКА 12+
ТВ ПРОГРАММА
ВОКЗАЛ ДЛЯ ДВОИХ 12+
close

Йæ цардæй ахицæн Цæгат Ирыстоны Адæмон артисткæ Икъаты Бертæ

20.01.2020 20:00

Уый уыдис театры сфæлдыстадон къорды хистæрты минæвар.

Æнкъард хабар. Абон йæ цардæй ахицæн нæ республикæйы адæмон артисткæ Икъаты Бертæ. Сфæлдыстад йæ удæй фылдæр уарзта. Йæ зонындзинæдтæ æнæвгъауæй лæвæрдта артистты ног фæлтæртæн. Икъаты Бертæ уыд хорзæхджынгонд алыхуызон паддзахадон хæрзиуджытæй. Йæ хиуæттæ æмæ йе `мбæлтты зæрдæты баззад куыд аив æмæ зæдæгæс сылгоймаг. Фылдæр нын радзурдзæн Пелиты Сабинæ.


Театры сфæлдыстадон къорды хистæрты минæвар. Икъаты Бертæ аивады ацы куырдадзмæ æрбакъахдзæф кодта 1942-æм азы. Уæд ыл цыдис æрмæстдæр 16 азы. Хæстон дуджы цæхæр нæ хынцгæйæ, ирон театры арæзтой агитбригадæтæ æмæ цæф салдæттæн æвдыстой концерттæ. Уыцы курдиатджын къордты Бертæ уыдис разæнгарддæрты `хсæн. Йæ курдиаты æцæг тых та Икъаты Бертæйæн райхæлд Ирон театры сценæйыл. Фæкуыста дзы 60 азмæ `ввахс.

Икъаты Бертæ арæхстис зарынмæ, æмдзæвгæтæ кæсынмæ, уæдæ-иу сын ирон пьесæтæй дæр чысыл скъуыддзæгтæ равдыстой. Суанг ма-иу салдæтты бинонтæм дæр сæ бæсты фыстæджытæ фыстой. Хæсты азты фæллойы тыххæй йын саккаг кодтой паддзахадон хæрзиуджытæ: «За оборону Кавказа», «За доблестный труд в годы Великой Отечественной войны», уыдис хæсты ветеран. Аив æмæ хæрзуынд актрисæйæн-иу фылдæр бабар кодтой сылгоймаг-хъайтарты фæлгонцтæ ахæм спектакльтæ, куыд «Пæсæйы фæндон», «Æфхæрдты Хæсанæ», «Дыууæ хойы», «Усгуртæ» æмæ бирæ `ндæрты.

Икъаты Бертæ æмæ йæ бинойнаг Баллаты Валодя ирон театры уыдысты фæзминаг, кæрæй-кæронмæ фæцардысты, кæрæдзийæн кад кæнгæйæ æмæ æгъдау дæтгæйæ. Дыууæйæ дæр сæ курдиат æмæ сæ хъару нæ хæлæг кодтой театрæн. Арæх-иу иумæ куыстой уыцы-иу спектаклы дæр. Зæгъæм, Гаглойты Валодяйы пьесæ «Иунæджы кадæг», кæнæ Саулохты Мухтары «Усгур Гаци»-йы. Цы сурæттæ снывæзта Икъаты Бертæ, уыдон мыггагмæ баззайдзысты ирон аивады бæркадджындæр æвæрæнты.

Икъаты Бертæйыл 94 азы цыди. Йе сфæлдыстадон фæндаг уыд дæргъвæтин æмæ уæрæх. Йæ алæмæты курдиаты фæрцы, ссардта йæ аивадуарзджыты зæрдæтæм фæндаг. Йæ сурæттæ сты æнусон. Ирон аивады ирддæр стъалыйы, уæздан æмæ æцæгæйдæр «ирон адæймаджы» ном хæссынæн аккаг чи у, уый адæмы зæрдæты цæрдзæн æнусты.

Пелиты Сабинæ

 

Читайте также
Все новости