Калинины æмæ Калойы-фырты уынгты тигъыл сквер аив кæнынц

Калинины æмæ Калойы-фырты уынгты тигъыл сквер аив кæнынц. Зæронд асфальт баивдзысты брусчаткæйæ, сног кæндзысты рухсгæнæн системæ, бандæттæ æмæ быроны урнæтæ. Уыцы иу рæстæг сывæллæттæн цæттæ кæнынц хъазæн фæз. Ныртæккæ специалисттæ иртасынц бæлæсты уавæр. Хус æмæ афæлдæхынæй тæссаг зайæгойтæ акалдзысты сæ бынаты ныссадздзысты æндæр талатæ. Уымæй уæлдай байтаудзысты кæрдæгфæз, банывыл кæндзысты фистæгдзæуджыты фæндæгтæ. Сифтонг ма кæндзысты футболон фæз дæр. Куыстытæ кæронмæ хъуамæ фæуой августы. Æппæт архайд цæуы муниципалон программæмæ гæсгæ. Ам бирæ хæдзæрттæ ис, сквер цæрджытæн у сæ фæллад кæм суадзынц, ахæм иунæг бынат.