Цæгат Ирыстоны дарддæр цæуы диспансеризаци. Æрæджы бынативгæ медицинон комплекстæ уыдысты Къостайыхъæуы. Ам æрæджы байгом кодтой ног амбулатори. Бынæттон цæрджытæн рагацау фехъусын кодтой медицинон æркаст ацæуыны гæнæн кæй уыдзæн, уый тыххæй.
Бынаты 200 адæймагæй фылдæр скодтой маммографи, флюорографи. Амынддзинæдтæ райстой фæлтæрдджын дохтыртæй. Ахæм профилактикон æркаст арæзт цæуы афæдз дыууæ хатты. Сæйраг нысан — низ рагацау рабæрæг кæнын. Бахъуаджы рæстæг та пациенттæ ‘рвыст цæуынц сæрмагонд специалисттæм. Бафтаудзыстæм ма, мадзал лæвар кæй у.