Культурæйы колледжы студенттæ бацæттæ кодтой ирд премьерæ

Ирд премьерæ æмæ аншлаг. Аргъау “Про Федота-стрельца, удалого молодца”-йы бындурыл спектакль фыццаг хатт æвæрд æрцыд. Ныридæгæн æвзонг артисттæ театрдзауты зæрдæтæ балхæдтой. Алыхуызон декорацитæ, фæзилæнтæ æмæ костюмтæ. Фæсивæд сæхи дæргъвæтин рæстæг цæттæ кодтой. Ацы бон сын ахсджиаг рауад. Культурæйы колледжы студенттæ сæ курдиат æххæстæй раргом кодтой. Абон сценæйыл фæзынд ног стъалытæ. Педагогты фидарæй уырны, театрæн рæсугъд фидæн кæй ис, уый. Сæ репертуар хъæздыг у. Разæй та горæты скъолатыл гастрольтæ.