30 азæй фылдæр Людмила Теучеж кусы райдиан кълæстæ æмæ англисаг æвзаджы ахуыргæнæгæй Алагиры дыккӕгӕм скъолайы. Йæ урокты архайы сабиты сцымыдис кæныныл. Пайда кæны нырыккон методикæтæ æмæ технологитæй. Æппæты зынаргъдæр хæрзиуæгыл ахуыргæнæг нымайы йæ сабиты æнтыстдзинæдтæ. Бæлвырддæр, нæ дарддæры æрмæджы.
Афтæ райдайы Алагиры 2-æм скъолайы англисаг æвзаджы урок. Людмила Теучежимæ сывæллæтæ фæсарæйнаг æвзаг ахуыр кæнынц цымыдисæй æмæ æнцонтæй.
Людмила Теучеж райгуырд Алагиры. Йæ бинонтæ сты Адыгеяйæ рацӕуӕг. Цӕгат Ирыстоны культурæ æмæ традицитæ йын систы уарзон. Ирон æвзаг та йын сси мадæлонау адджын. Уыцы уарзондзинад тауы йæ ахуыргæнинæгты зӕрдӕты дæр.
Людмила Теучеж суанг сабибонтæй зыдта, йæ цард цы дæсныйадимæ сбæтдзæн, уый. Абон, 30 азы фæстæ, йæ бон фидарæй зæгъын у, æнæ йæ уарзон куыстæй йæ цард нал уыны. Людмилæ йе стырдæр хæрзиуæгыл нымайы йæ ахуырдзауты æнтыстдзинæдтæ.
Ныры дугимæ æмдзу кæнын, куысты нырыккон методикæтæй пайда кæнын. Æппынæдзух ахуыргæнæг кусы йæ рæзтыл.
Фыццаджыдæр ахуыргæнæджы хæс у, сабиты канд ахуыр кæнынмæ разæнгард кæнын нæ, фæлæ ма сӕм гуырын кæнын хорз адæймаджы миниуджытæ.