Нæ республикæйы абон уыд, ирон æвзагмæ цы киноныв ратæлмац кодтой, уый премьерæ. «Баллада о солдате» – Дунеон кинематографийы сыгъзæрин фондмæ цы хæстон киноныв бахастой, уый федтой кинойы хæдзары. Снысан æй кодтой дунейы адæмы æвзæгты æмæ Фыдыбæстæ хъахъхъæнæджы бонмæ. Ратæлмац æй кодтой студи «44 Долгота» æмæ нæ республикæйы мыхуыры æмæ дзыллон коммуникациты комитеты руаджы, программæ «Ирон адæмы национ-культурон райрæзт»-ы фæлгæты.
Киноныв «Баллада о солдате» ирон æвзагмæ ратæлмац кодта Дзæуджыхъæуы адæмон артист Айларты Асæхмæт. Куыстой йыл 5 мæйы. Сæ хъæлæстæй та йæ саив кодтой нæ Тæбæхсæуты Балойы номыл паддзахадон академион драмон театры æрыгон артисттæ. Сæйраг сурæт кинонывы йæ хъæлæсæй саив кодта Боциты Зарема.