Дæргъæвсы Мæрдты Сахары дзæппазтæм бацæуæн уыдзæн сæрмагонд фæткмæ гæсгæ. Уый хъæуы туристты цыд сбæлвырд кæнынæн. Ахæм хъæппæрисимæ бахаста Цæгат Ирыстоны туризмы комитеты разамонæг Кодзаты Зауырбег. Тымбыл стъолы уæлхъус дзырдтой некрополь бахъахъхъæныны мадзæлттыл. Дзæппæзты фæстæмæ скæнын хъæуы хъæдын æхгæд рудзгуытæ.
Комплекс цæудзæн бæстондæр хъахъхъæд, уыимæ дзы кусдзысты национ музейы гидтæ æмæ экскурсоводтæ. Республикæйы разамындмæ уый фæдыл арвитдзысты сæрмагонд курдиат. Документы фæнысан кæндзысты æппæт аспекттæ, цæмæй комплекс куыд æмбæлы, афтæ куса æмæ хъахъхъæд цæуа.