Нымæцон технологиты руаджы куыстуæттæн дæр фæзынд ног гæнæгтæ. Цæрæнуæтты-коммуналон хæдзарады къабазы фæхъæуы архайын бæрæггæнæнты егъау бæрцыл, парахат дзы кæнын автоматикон архайд, лæггæдты веб-серистæ аразын. Уыцы куыст кæны специалистты къорд. Ныр афæдзы бæрц архайы иумæйаг нымайæн центр. Фидæны та ма фæнд кæнынц ахсджиаг проектты райрæзт. Уыдон республикæйы цæрджытæн æххуыс уыдзысты хъæугæ документ цыбыр рæстæгмæ ссарыны æмæ æндæр хъуыддæгты. Бæлвырддæр ме ‘мкусджыты æрмæджы.
Бæрæггæнæнты анализы сæйраг специалист ныртæккæ иртасы ахсджиаг хыгъдлæвæрд. Тынг бирæ информаци дзы ис.
Лыстæг куысты дыууæ сахаты æмæ хыгъдлæвæрд цæттæ. Йæ аразгæйæ, пайда кæнын хъæуы математикæ, логикæ æмæ аразгæ интеллектæй дæр. Информацион хыгъды иугонд центры программон-техникон хайады специалисттæ информацион технологитæм цырд сты. Ам авд адæймаджы ис æмæ алкæмæн — йæхи хæс.
Ис нæм бэкендертæ, фронтендертæ, стыр гуырахстимæ бæрæггæнæнтимæ кусæг специалисттæ. Уыдонæй уæлдай, бæрæггæнæнты базæтимæ кусæг специалист. Уæдæ не ‘ппæты дæр схонæн ис бирæвæрсыг специалисттæ. Уымæн æмæ алы здæхты дæр арæхсæм. Цæмæй кæрæдзийы хуыздæр æмбарæм, уый тыххæй. Фронтендер у веб-сервисы æддаг бакаст чи аразы, уый. Йæ визуалон хай уымæ хауы. Бекендер та нывыл кæны бæрæггæнæнты базæимæ æмгуыстгæнæг серверон хай.
Программæтæ æмæ веб-сервистæ аразын, автоматикон процесстæ фидар кæнын. Хайад фарон байгом, цæрæнуатон-коммуналон хæдзарады куыстуæттæ нымæцон хуызмæ раивынæн. Егъау куыст бакæнын бантысты уыцы рæстæгмæ. Ныртæккæ дæр коллектив бæрнон куысты лæуд у — проект “Цифровой оперштаб”.
“Цифровой оперштаб” у картæ. Æмæ уым нысангон цæуынц æппæт цаутæ. Зæгъæм, хæтæл атыдта. Сервис уымæй хорз у, æмæ дзуапдæттæг кусæг æвиппайды фены проблемæтæ æмæ сыл йæ бон у æвæстиатæй бакусын.
300 аналитикон хыгъдлæвæрды, 20 прораммон продукты. Се ‘хсæн — пайдагæнджыты интерактивон картæ.
Ам зынынц абонентты хæстæ дæр. Районтæм гæстæ къордтыл дихгонд сты. Тардæрæй зынынц, хæстæ фылдæр кæм сты, уыцы рæттæ.
Дарддæр фæнд кæнынц нымæцон хуызмæ раивын Техникон инвентаризацийы бюройы архивтæ. Проект егъау у æмæ йын программæтæ сараздзысты. Æмæ иу цæрджытæ хъæугæ документ æвиппайды ссардзысты.
