Паддзахадон Думæмæ бахастой закъоны проект наркотикты пропагандæйы тыххæй

Паддзахадон Думæмæ бахастой закъоны проект наркотикты пропагандæйы тыххæй. Интернеты æмæ социалон хызæгты наркотиктæ чи парахат кæны, уыдоны фæнд кæнынц ивары хуызы æфхæрын. Уыимæ канд чи пропагандæ кæны уыдоны нæ, фæлæ ма ахæм хуызы информаци цы оператортæ нæ аиуварс кæнынц, уыдоны дæр. Хицæн адæмы ивар кæндзысты 5 минæй 30 мин сомы онг. Амалхъом адæмæн сæ чыссæ раафтид уыдзæн 50 минæй 100 мин сомы онг, кæнæ та сайты куыст бауромдзысты 90 суткæмæ. Юридикон бæрнондзинад кæмæ ис, уыдонæн сæ дзыппытæ фæрогдæр уыдзысты 1 милуанæй – милуан æмæ 500 мин сомы онг. Онлайн-ресурстæ æмæ сайтты операторты кæндзысты ивар. Бæрнон кусджыты – 10 минæй 30 мин сомы онг, юридикон бæрнондзинад кæмæ ис, уыдоны та 100 минæй 500 мин сомы онг. Дыккаг хатт æнæзакъон митæ кæнгæ кæй æрцахсой, уыдоны ивартæ та, гæнæн ис, æмæ уой уымæй фылдæр.