Куйбышевы номыл банкомат срæмудзынвæнд чи кодта, уыцы нæлгоймаджы пъæлицæйы хайадмæ фæхæццæ кодтой. Уый тыххæй хъусын кæны республикæйы мидхъуыддæгты министрады пресс-службæ.
Дзуапдæттæг ведомствæйы куыд радзырдтой, афтæмæй 11 сахаты æмæ 26 минутыл пъæлицæйы хайадмæ æрбадзырдта Дзæуджыхъæуы цæрæг, загъдгæнгæйæ фехъусын кодта, кинотеатр «Дружба»-йы раз бакомат къуылымпытимæ кæй кусы æмæ йæ срæмудзынвæнд кæй кæны.
Бынатмæ æрбахæццæ сты барадхъахъхъæнджытæ. Куыд сбæрæг кодтой, афтæмæй цыппораздзыд нæлгоймагæн æртæ хаттæн йæ къухы нæ бафтыд банчы картæйæ 500 сомы сисын: æхцайы фæрæзтæ банчы картæйæ фыст æрцыдысты, фæлæ сæ банкомат та нæ ралæвæрдта.