Парти «Иугонд Уæрæсе»-йы регионалон хайады схорзæх кодтой, наркомани æмæ терроризмы ныхмæ профилактикæйы куыст чи кæны, уыдоны. Уæлдай тынгдæр фесгуыхтысты партийы Алагираг хайады. Министрадты минæвæрттимæ, æхсæнадон кусджытӕ æмæ бархионтимæ партийы уæнгтæ скъолаты кастысты лекцитæ. Сывæллæттæн-иу радзырдтой зианхæссæг миниуджыты тыххæй. Рухстауæн куысты фæдыл партийы секретарь Ортабайты Тимур йе ‘мкусджыты схорзæх кодта кады гæххæттытæй æмæ сын сæ куысты фæдыл арфæ ракодта.
Наркотиктимæ тох кæныны хъуыддагмæ кæдфæнды здæхтам уæлдай æргом. Уымæй æвирхъаудæр миниуæг адæймагæн зын ссарæн у. Терророизм æмæ сепаратизмы уæззау фæстиуджытæ дæр ныртæккæйы дуджы бирæтæн зонгæ сты. Æрыгон фæлтæры ахуыр кæнæм æмæ кусæм цæмæй сæхи сæрæй хъуыды кæной.