Профессионалон медицинон преми “МегаДоктор”-ы архайыны фæдыл курдитæттæ республикæйы исын райдыдтой. Брифингы фæлгæты Цæгат Ирыстоны медицинон академийы æрдзырдтой конкурс æххæст кæныны фарстатыл. Курдиæттæ бадæттыны фадат ис медицинæйы къабазы йæ дæсныдадмæ гæсгæ чи кусы, кæнæ наукон архайд чи кæны, уыцы дохтыртæн.
Ис дзы 3 номинацийы: “Впервые проведенная операция на территории Осетии”, “Внедрение новых методов диагностики и лечения на территории Осетии” æмæ “Научная публикация”. Алы уæлахиздзау дæр райсдзæн 250 мин сомы. Куыстытæн аргъ кæндзысты экспертон æхсæнады минæвæрттæ, сæ сæргъы Медицинон академийы ректор Олег Ремизов, афтæмæй. Фыццаг хатт уæлахиздзауты схорзæхджын кодтой фарон. Уæд æркастысты 38 курдиатмæ.
Ацы хатт проект æххæст кæныны архайы Цæгат Ирыстоны æнæниздзинад хъахъхъæнынады министард дæр.
