Республикæйы паддзахадон автоинспекцийы управленийы 2020-æм азы 6 мæйæн куысты хатдзæгтæ скодтой. Сæрмагонд æмбырдæн разамынд лæвæртта Паддзахадон автоинспекцийы разамонæджы бартæ рæстæгмæ æххæстгæнæг, пъæлицæйы дæлбулкъон Хæбæлаты Григорий.
Фембæлды архайдтой паддзахадон автоинспекцийы управленийы минæвæрттæ æмæ районы хайæдты разамонджытæ. 6 мæйы дæргъы уæлдай æргом здæхт уыд фæндаггон фыдбылызтæ ма руадзынмы хъуыддагтæм. Арæзт цыд профилактикон мадзæлттæ. Æмбырды ма æрзырдтой паддзахадон автоинспекцийы управленийы фидæны пълæнттыл. Сæ сæйрагдæртæ – фæндаггон фыдбылызты нымæц фæкъаддæр кæнын, уыимæ ма фæндаггон змæлды архайджытимæ профилактикон ныхас кæнын.
Мадзалы кæронбæттæны Паддзахадон автоинспекцийы разамынд хуыздæр кусджыты схорзæхджын кодтой зæрдыл дарæн лæвæрттæй.