Лапороскопия – ома чысыл лыг акæнгæйæ операци скæнын. Ахæм бахъуыд саразын Гобаты Светланæйæн. Сылгоймаджы йе ‘нæниздзинады уавæрмæ гæсгæ, уæззау рыстытимæ æвæстиатæй бахæццæ кодтой рынчындонмæ. Рабæрæг æм тъæнгты патологи.
Республикон клиникон рынчындоны фæлтæрджын хирургтæ уынаффæ рахастой, æнæмæнгæй кæй хъæуы операци скæнын. Лапароскопийы æххуысæй та æвзæр фæстиуджытæ бантыст бахизын. Ахæм операциты руаджы адæймаг тагъддæр æрцæуы йæхимæ, йæ хъæдгæмттæ рæвдздæр байгас вæййынц. Тъæнгты операциты 85% та уæвгæ дæр ахæм хуызы кæнынц ныр дыккаг аз. Нæ хирургтæ ацы архадыл сахуыр сты Мæскуыйы раззагдæр профилон медицинон центры. Ацы операци къæсхуыртæ адæймагæн æнцондæр кæнæн у, зæгъы республикон клиникон рынчындоны колопроктологийы хайады разамонæг Аршавир Асатрян. Æнæ æвзæр фæстиуджытæй ацы операци рауад Гобаты Светланæйæн дæр.
Æртыккаг бон йæ къæхтыл слæууыд, ныртæккæ дзы ницы риссы, йæхи бонæй бонмæ хуыздæр æнкъары. Хæстæгдæр рæстæг Гобаты Светланæйы рафысдзысты рынчындонæй. Фæлæ йæ уæддæр æнæниздзинады уавæрмæ кæсын хъæудзæн. Дохтыртæ йын зæрдæ бавæрдтой, рисгæ дзы кæй ницыуал кæндзæн, уымæй
