Фæстаг дзæнгæрӕджы бон сбæрæг кодтой Цыколайы скъолайы дæр. Рауагъдонтæн арфæ кæнынмæ йæ райгуырæн скъоламæ сæмбæлд республикæйы парламенты сæрдар Тускъаты Таймураз. Арфæ ракодта скъоладзаутæ æмæ ахуыргæнджытæн. Рауагъдонтæн бафæдзæхста, цæмæй кæддæриддæр тырной раззагдæрты æмрæнхъ уæвынмæ. Фидæны хорз дæснытæ пайда уыдзысты республикæйы рæзтæн, загъта парламенты сæрдар.
Кадджын уазæг бабæрæг кодта Дзæуджыхъæуы 25-æм скъола дæр. Арфæ ракодта йæ чысыл хæлар Дзоблаты Радион æмæ иннæ рауагъдонтæн.
