Абон Цæгат Ирыстоны скъолаты 3 мин рауагъдонæй фылдæрæн ныззæланг кодта фæстаг дзæнгæрæг. Ахæм вазыгджын боны фæдыл сын арфæ ракодта Сергей Меняйло.
«Зынаргъ рауагъдонтæ! Кæддæр æз дæр уæ бынаты уыдтæн, æмæ мæтгæнгæйæ хъуыды кодтон, сæдæгай царды фæндæгтæй кæцы равзарон, стæй кæцы фæндаг равзардзæн мæн? Уæдæй нырмæ бирæ рæстæг рацыд. Æмæ сæйраг хатдзæг скодтон мæхицæн: цы фæндаг равзарай, уымæй зилын нæ хъæуы, кæд æнцон нæ уа, уæддæр. Зын æмæ циндзинадыл дæр æмбæлдзыстут. Хъæуы уæ хорз ахъуыды кæнын æмæ афтæ фæндаг равзарын, цы хæстæ æмæ нысантæ сæвæрат уæ размæ, уыдонмæ тырнут, раст хъуыдыйыл хæст ут æмæ æрдæгфæндагыл макуы æрлæуут. Сæйрагдæр та æцæг æмæ зæрдиаг адæм ут! Бантысæд уын алцыдæр! Рæствæндаг ут!» -загъта Сергей Меняйло.
