Ручъы байгом кодтой Плиты Грисы номыл цыртдзæвæн

Зындгон ирон фыссæг, Фыдыбæстæйы Стыр хæсты архайæг Плиты Грисæн цыртдзæвæн байгом кодтой Хуссар Ирыстоны. Бюст æвæрд æрцыд йæ райгуырæн хъæу Ручъы. Ацы хъæппæрис разынд хæрзаудæн фонд “Амонд”-ы уæнгтæм. Монумент конд у бронзæйæ, йæ автор у скульптор Плиты Владимир. Цыртдзæвæны бынат хуымæтæджы æвзæрст не ‘рцыд. Ныр Транскамы уылчи чи цæуы, уыдонæн сæ бон уыдзæн фыссæджы ном ссарын, ам, йæ райгуырæн зæххыл. Плиты Грис фæцыд хæстон фæндæгтыл æмæ йæ райгуырæн бæстæмæ сыздæхт гвардийы майорæй. Цы æфсæддон лирикæ фыста, уый та нымад у æппæтæй рæстагдæр æмæ арф хъуыдыджыныл. Ирон литературæ иртасджытæ та йæ æвæрынц фыццаг бынаты XX æнусы поэзийы Хетæгкаты Къостайы фæстæ. Раздæр ма хæрзаудæн фонд “Амонд”-ы хъæппæрисæй снысан кодтой Плиты Грисы номыл литературон преми студенттæ æмæ педагогты ‘хсæн. Цыртдзæвæн байгом кæныны кадджын мадзалмæ рагæй æнхъæлмæ кастысты, у Хуссар æмæ Цæгат Ирыстоны интеллигенци æмæ æхсæнады минæвæртты иугæнæг цау.