Цæгат Ирыстоны парламент республикæйы сæргълæууæгæй равзæрста Сергей Меняйлойы.
Йæ кандидатурæйы фарс рахæцыдысты 57 депутаты. Сергей Меняйло йæ раныхасы куыд загъта, афтæмæй республикæйы сæргълæууæджы хæстæ рæстæгмæ æххæстгæнгæйæ, сбæлвырд кодта, фыццаджыдæр бакусын кæуыл хъæуы, уыцы фарстатæ. Бæлвырдгонд æрцыдысты, экономикон æмæ социалон къабæзты хорз æмвæзад кæмæн ис, стæй йæ архайд зæрдæхсаинаг кæмæн у, уыдон. Сæйрагдæр фарстатæй иу – республикæйы кæй нæй разамынды иумæйаг фæтк. Куыд æппæт регионæн, афтæ хицæн къабæзтæн дæр – æнæниздзинад хъахъхъæнынынад, ахуырад, промышленнон æмæ аграрон комплекстæ, туризм, транспортон лæггæдтæ, арæзтад æмæ фæзуæттæ нывыл кæныны хъуыддаг.
Дарддæр ацыд инаугурацийы кадджын мадзал. Республикæйы сæргълæууæг Сергей Меняйло ард бахордта Уæрæсейы æмæ Цæгат Ирыстоны конституцитыл къух æрæвæргæйæ.