Сергей Меняйло амыдта æрвылкъуырион аппаратон æмбырд

Республикон клиникон рынчындоны байгом кæндзысты гемодиализы кабинеттæ. Дзæбæхгæнæндæтты æмæ поликлиникæты та фæзындзæн стоматологон кабинеттæ. Уый тыххæй фехъусын кодтой аппартон æмбырды. Сергей Меняйло бахæс кодта фыццаградон æххуыс бæстонæй кæнын æмæ льготæтæ кæмæн æмбæлы, уыдоны хъæугæ хостæй ифтонг кæнын. Уымæй уæлдай ма сæргълæууæг æрдзон æвæрæнты министрады нал уадзы карьертæ цæттæ кæныны фæдыл лицензитæ дæттын. Зæххы хæйтты хицæуттыл та хæс сæвæрын, цæмæй раздæры территоритыл бакусой. Йæ ныхасмæ гæсгæ, сæ иу дæр домæнтæ нæ cæххæст кодта. Регионы разамонæг бабар кодта фарста прокуратурæйы æххуысæй райхалын. Ныхас ма цыд коммуналон æмæ æвæстиаты службæтыл дæр. Бæрæгбæтты рæстæг специалисттæ куыстой уæлдæр цæттæдзинады фæткмæ гæсгæ. Æрдзырдтой мæ ахсджиаг объектты бындурон рацарæзтыл дæр.