Сергей Меняйло амыдта æрвылкъуырион аппаратон æмбырд

Къæпхæнгай фæззыгон-зымæгон рæстæгмæ бацæттæ кæнын цæхæрадæтты æмхæларадтæ. Закъоны домæнтæм гæсгæ хызæгтæ бакæнын профилон куыстуæтты бæрны. Ахæм хæс ресурсон компаниты размæ сæвæрдта Сергей Меняйло. Сæргълæууæг ма бахæс кодта цæрджыты курдиæтты мониторинг æххæст кæнын æмæ лыггæнинаг фарстатæ иуварс кæнын. Ныхас ма цыд регионы оперативон уавæрыл дæр. Æнæнхъæлæджы уавæрты министрады специалисттæ ахуыссын котой 12 зынгсирвæзты. Республикæйы фæндæгтыл нысангонд æрцыд 87 фæндаггон фыдбылызы. Эпидемиологон уавæр Цæгат Ирыстоны у сабыр. Уыимæ цæстдард цæуы нуазыны доны уавæрмæ дæр. Сæрдыгон дзæбæхгæнæн кампанийы архайы 9 мин сывæллоны. Лагерьтæ байгом кодтой 151 скъолайы бындурыл. Æмбырды кæронбæттæны ма Сергей Меняйло хæстæ сæвæрдта министрадты æмæ ведомствоты разамонджыты размæ, уыдонимæ æвзæр боныхъæды фæстиуджытæ аиуварс кæнын дæр.