Сергей Меняйло бабæрæг кодта Дзæуджыхъæуы 46-æм скъола

10.11.2025 19:18

Сергей Меняйло ма аныхас кодта ахуыргæнинæгтимæ. Бузныг сын загъта, экспозици саразыны фæдыл. Фембæлды рæстæг уæлдай æргом аздæхтой Райгуырæн бæстæмæ уарзондзинадмæ.

Сергей Меняйло бабæрæг кодта Советон Цæдисы Хъæбатыр Дзусаты Ибрагимы номыл 46-æм скъола. Сæргълæууæгæн сарæзтой экскурси Æфсæддон Намысы залы. Фыдыбæстæйы Стыр хæсты хъайтарты номыл чысыл музей ахуыргæнæндоны фæзынд 2020-ы, ацы аз ма дзы гранты фæрцы байгом кодтой ноджы иу. Снысан æй кодтой нæ хæстонтæн, сæрмагонд æфсæддон операцийы архайджытæн. Экспонатты ‘хсæн Фыдыбæстæ хъахъхъæнджыты хуызистытæ, сæрмагонд уæлæдарæс, фронтæй фыстæджытæ æмæ ма суанг техникæ дæр. Ацы ахуырадон кусæндоны ахуыр кодтой Уæрæсейы Хъæбатыртæ Тыбылаты Марат æмæ Абайты Юрий. Сæрмагонд æфсæддон операцийы райдианæй тохы бынаты фæмард скъолайы фондз рауагъдоны, ныртæккæ та æфсæддон зонæйы ис ахуырдзауты 119 ныййарæджы. Регионы разамонæг музейы дарынмæ радта æнæпилотон тæхæн аппарат æмæ рагон нæмгуытæ. Сергей Меняйло ма аныхас кодта ахуыргæнинæгтимæ. Бузныг сын загъта, экспозици саразыны фæдыл. Фембæлды рæстæг уæлдай æргом аздæхтой Райгуырæн бæстæмæ уарзондзинадмæ.

Предыдущий материал

Октябрьскæйы сывæллæтты музыкалон скъолайы ацыд Тедеты Азæмæт концерт

Следующий материал

10-æм ноябрь – Уæрæсейы мидхъуыддæгты министрады кусджыты бæрæг кæнынц сæ профессионалон бон