Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло фембæлд Санкт-Петербургы не ‘мзæххонты хæларады минæвæрттимæ. Уазджытæ республикæмæ ссыдысты Кучиты Юрийы райгуырды 100 азы боны кадджын мадзæлттæм.
Фембылды архайдта ирæтты æхсæнады сæргълæууæг Наниты Петр, республикæйы минæвар Цæгат-Ныгуылæн федералон зылды Галазты Барис, Кучиты Юрийы чызг
Татьяна Тихомирова æмæ Хъæбатырты комитеты Ленины номыл ордены æмæ Намысы ордены кавалертæ. Сергей Меняйло куыд фæнысан кодта, афтæмæй Цæгат Ирыстон æмæ Санкт-Петербургы ‘хсæн алкæддæр уыдысты хæлар ахастдзинæдтæ.
Ирæтты æхсæнад бæстонæй архайы нæ культурæ æмæ æгъдæуттæ хъахъхъæныныл. Кучиты Юрийы юбилейы кадæн Арктика æмæ Антарктикæйы музейæн радтой нæ республикæйы тырыса. Сластой йæ Цæгатаг полюсæй.