Сергей Меняйло фембæлд «Школа мэров»-ы рауагъдон Аулохты Валериимæ

Сергей Меняйло фембæлд Комсомольскæйы хъæуы сæргълæууæг, муниципалон разамынды кадрты резервы паддзахадон программæ «Школа мэров»-ы рауагъдон Аулохты Валериимæ. Регионы разамонæгæн радзырдта цы ног зонындзинæдтæ æмæ фæлтæрддзинад райста, уый тыххæй. “Школа мэров”-ы райрæзтыл бакуыстой Владимиру Путины хæслæвæрдмæ гæсгæ. Ахуырты размæ кандидаттæ ацыдысты æвзарæн фæлварæнтæ. Исыны домæнты ‘хсæн – разамонæджы бынаты стаж, районы территорийыл куыст, профессионалон цæттæдзинад. Курс цыд 8 мæйы. Архайджытæ бабæрг кодтой бæстæйы алы регионтæ, базонгæ сты хуыздæр практикæтимæ æмæ бакуыстой разамынды авторон хъæппæристыл, уыдон фæстæдæр равдыстой кæронбæттæн презентациты.