Цæгат Ирыстоны сæргълæууæг Сергей Меняйло фембæлд Цæгат Кавказы хæххон-металлургон институты ректоры хæстæ æххæстгæнæг Игорь Алексеевимæ.
Æрдзырдтой ахуырадон уагдоны студентты æфсæддон хъуыддагмæ гæсгæ ахуыр кæныныл. Æмбæлгæ бадзырд бафыстой Уæрæсейы хъахъхъæнынады министрад, республикæйы хицауад æмæ регионы уæлдæр ахуырадон уагдæттæ. Сержанттæ æмæ солдаттæ цæттæгӕнӕн æфсæддон ахуырадон центр кусдзæн Цæгат Ирыстоны паддзахадон университы бындурыл. Игорь Алексеевы ныхæстæм гæсгæ, сæрды ацы къабазмæ йæ гæххæттытæ чи бадæттæ, уыдон иннæ аз ахуыр кæндзысты æппæт сусæгдзинæдтыл дæр. Ахуырад цæудзæн цалдæр ахсджиаг инжинерон здæхтмæ гæсгæ.
Фембæлды ма ныхас цыд ахуырадон уагдоны иумæйаг райрæзтыл дæр. Афтæ, институты бакуыстой астæуккаг профессионалон ахуырадон курсыл. Йæ фæлгæты цæттæ кæндзысты «Мамысон»-ы курортмæ сæрмагонд специалистты.
