Бирæтæн æрвылбоны царды хуымæтæг хъуыддæгтæ цы сты, уыдон бирæтæн сты сæ бæллиц. Ныр æрвылбон æмæ цыфæнды боныхъæды дæр тезгъо кæныны фадат се ‘ппæтæн дæр уыдзæн. Уый тыххæй парчы сæрмагондæй фæзынд коляскæтæ. Бынаты сæ райсæн ис лæвар. Сты æнцонвадат, ирд æмæ уый хуымæтæджы нæу.
Социалон проект «Лесотерапия для каждого»-йы райрæзтыл кусынц афæдз. Йæ саразыны хъæппæрис та фæзынд, сæхиуыл уавæр чи банкъардта, уыдон. Тотраты Лианæ цалдæр мæйы коляскæйы бадт. Уæд йæхицæн снысан кодта, æрвылбоны царды алы уавæртæ хъуамæ алкæмæндæр уой. Ныридæгæн проекты бирæтæ бацархайдтой. Се ‘ппæтмæ дæр æвзæры æхсызгон æнкъарæнтæ.
Проект гом кæныны мадзалы уыд кадджын уазджытæ дæр. Вице-премьер Платы Альбинæ куыд фæнысан кодта, афтæмæй ацы проект тынг хорз æрхъуыды у. Разæнгард кæны хорз хъуыддæгтæ кæнынмæ. Йæ аразджытæн йæ зæрдæ загъта ноджы фылдæр æнтыстдзинæдтæ.
Фидæны ма фæнд кæнынц тезгъогæнæн креслотæ фæфылдæр кæнын. Уыдзысты 20. Проекты автортæ дарддæр йæ райрæзтыл архайдзысты. Уый тыххæй ныридæгæн гранттæ райсынмæ цалдæр курдиаты балæвæрдтой.
