Тæвд хæринаджы уавæр скъолаты куыд фæхуыздæр кæнæн ис? Уый тыххæй æрдзырдтой Дзæуджыхъæуы базарадон-экономикон техникумы. Тымбыл стъолæн сæрдариуæг кодта ахуырад æмæ наукæйы министр Людмила Башарина.
Архайдтой дзы институты минæвæрттæ, æхсæнадон палатæйы уæнгтæ, æппæтуæрæсеон адæмон фронты активисттæ æмæ Уæрæсейы фæлхасгæнджытæм цæстдарды управленийы кусджытæ. Æрныхас кодтой сывæллæтты рацион куыд ис пайдаджындæр æмæ хæрзаддæр скæнæн, ууыл.
Алкæмæндæр фадат уыд йæ хъуыдытæ зæгъынæн, уымæн æмæ нæм ныридæгæн ис алыхуызон курдиæттæ муниципалон оргæнтæй дæр. Хи фиппаинæгтæ æмæ зæгъинæгтæ ис ныййарджытæм дæр.