Цыбыр, фæлæ тынг ахсджиаг къахдзæфтæ. Руслан сæ ацы тренажеры руаджы кæны. Лæппуйы уæлæмæ исы чысыл æмæ йын афтæ зынгæ æнцондæр у. Специалисттæ фидарæй зæгъынц, тыхтæ сæндидзын кæнынæн ахæм аппарат ахъаз у.
Нырыккон ифтонггарз сдзæбæхы бон зынгæ ‘ввахсдæр кæны. Январæй августмæ реабилитаци чи ацыд, уыцы пациентты нымæц фондз æмæ æрдæг минæй ахызт. Уый фаронимæ абаргæйæ бирæ фылдæр у. Профилон министр Тебиаты Сослан куыд загъта, афтæмæй мадзæлттæ ахадгæдæр систы.
Алы пациенты уавæр дæр бæрæггонд цæуы хицæнæй. Хатгай реабилитаци суанг реанимацийы райдайы. Дохтыртæ кусынц æмдзырдæй. Фыццаджыдæр, æнцой кæнынц медицинон бæрæггæнæнтыл.
Æнæниздзинад фæхъæддых кæнын, цардхъомдзинадыл бафтауын — ахæмтæ сты медицинон реабилитацийы сæйраг нысантæ. Æмæ къухы æфтынц национ проектты æмæ, сæйрагдæр, дохтырты дæсныдзинады руаджы.
