«Тотемтæ, мифтæ æмæ алыхуызон фæлгонцтæ» фенæн ис Мæскуыйы. Равдыст байгом Скæсæны Паддзахадон музейы 13-æм февралы. Фенæн дзы ис сæрмæтты æмæ меотты адæмыхæттыты керамикон аивад. Цардысты Кавказы Цæгат æмæ Хурныгуылæн фарс. Рагон хъуывгъантæ æмæ мигæнæнтæ Скæсæны Музейы экспедици ссардта 1985-1988 азты. Агуырд дзауматæн ис стыр ахадындзинад. Равдысты куратор Гæбуты Тамерланы ныхæстæм гæсгæ, сæрмæтты хæдзарон дзауматыл арæх фенæн ис фыры нывтæ. Уый сын уыдис Фарны нысаниуæг. Нывгонд сырдтæ адæмæн лæвæрдтой бæркад æмæ амондджын фидæны ныфс.
Рагон аивады равдыст фæхъæздыгдæр кодтой нывгæнджытæ Дарья Делоне æмæ Дмитрий Горячкин. Алы археологон æрмæгæн дæр скодтой къам æмæ сæм бафтыдтой йæ æфсæн скульптурæ æнæхъæнæй йæ керамикон элемент йæ уæлæ афтæмæй, цæмæй мигæнæнæн хуыздæр æвдыст æрцæуа йæ «уд». Нæ рагон фыдæлтæ сæрмæттæ цардысты тыгъдбыдыры Дунайæ Аралы онг нæ дуджы агъоммæ 4 æм æнусæй нæ дуджы 1-æм, 2-æм æнусты онг. Уыдысты ирайнаг æвзагыл хæст адæмыхаттæй. Меоттæ та уыдысты зæхкусджытæ. Цардысты Кубаны æмæ Сау Денджызмæ хæстæг.