Цæгат Ирыстон бацыд Стратегион хъæппæристы агентады пилотон проектмæ

Цæгат Ирыстон сси Стратегион хъæппæристы агентады пилотон проекты архайæг – “Математическая вертикаль для всей России”. Дзанайты Барис видеоконференцийы фæлгæты архайдта Агентады генералон директор Светлана Чупшевайы разамындæй æмбырды. Æрныхас кодтой проект æххæст кæныны ахсджиаг аспекттыл, регионты цавæр домæнтæ сæххæст кæнын хъæуы, цæмæй сæ проектмæ бафтауой, стæй цæттæгæнæн-методикон архайдыл. Дзанайты Барис куыд фæнысан кодта, афтæмæй мадзалы кæронбæттæны хатдзæгтæм гæсгæ республикæйæн пайда у ног проектæй регионалон ахуырады къабазы спайда кæнын. Йæ фæлгæты сывæллæттæ арфдæр æхуыр кæндзысты математикæ 7-æй 11-æм къласы онг. Уымæй уæлдай ма проекты нысантæй иу – кадрты нымæц фылдæр кæнын, цæмæй математикон кълæсты кусын чи зона, ахæм ахуыргæнджытæ фаг уа. Уыимæ ма инженерон-техникон ахуырады кад бæрзонддæр кæнын, регионы экономикон архайд хъомысджындæр аразыны нысанимæ.