Дзæуджыхъæу радон хатт архайдта историон æппæтадæмон проект “Инженеры победы”-йы. Республикон къæпхæн ацыд национ наукон чиныгдоны залы, снысан æй кодтой Ирыстоны адæмы фæллойы сгуыхтдзинадæн Фыдыбæстæйы Стыр Хæсты рæстæг. Промышленнон куыстуæтты минæвæрттæ, стæй чиныгдоны кусджытæ студенттæн радзырдтой заводты, фабрикæты æмæ хæсты зын рæстæг чи архайдта, уыцы хуымæтæг кусджыты сгуыхтдзинæдты тыххæй. Æрбацæуджытæн ма равдыстой фæсчъылдымы чи архайдта, уыдоны тыххæй видеоæрмæг. Иумæйаг Уæлахизмæ нæ республикæ стыр æвæрæн бахаста. Мадзаларазджытæ сывæллæты алывæрсыг райрæзты æмæ фæсивæды фонд “От винта”, Промышленность æмæ базарады министрады æххуыссæй.
Махæн ахсджиаг у Фыдыбæстæйы Стыр хæсты цаутæ нæ зæрдыл дарын æмæ сæ æмонын кæстæр фæлтæрæн дæр. Цытджын Уæлахиз къухы канд хæцæнгарзы фæрцы нæ бафтыд, фæлæ ма республикæйы æмæ нæ бæстæйы цехты æмæ заводты кусджыты разæнград фæллойы руаджы.
