Цæгат Ирыстоны 9-æм æмæ 11-æм кълæсты ахуырдзаутæн цæуы олимпиадæ ирон æвзаг æмæ литературæйæ

25.02.2020 21:10 83

Муниципалон къæпхæны йæхи иттæг хорз бæрæггæнæнтимæ чи равдыста, уыдон уал абон ныффыстой куыст ирон æвзагæй, иннæ скъоладзаутæ та райсом сæ зонындзинæдтæ равдисдзысты ирон литературæйæ.


Нæ республикæйы 9 æмæ 11 кълæсты ахуырдзаутæн цæуы олимпиадæ ирон æвзаг æмæ литературæйæ. Муниципалон къæпхæны йæхи иттæг хорз бæрæггæнæнтимæ чи равдыста, уыдон уал абон ныффыстой куыст ирон æвзагæй, иннæ скъоладзаутæ та райсом сæ зонындзинæдтæ равдисдзысты ирон литературæйæ.

Олимпиадон хæслæвæрдтæ ирон æвзагæй арæзт уыдысты мыртæ æмæ дзырдты равзæрдимæ баст фарстатæй, уыимæ хъуыдыйæды сконды хуызты тыххæй. Уымæй уæлдай ма хъумæ скъоладзаутæ сфæлвырд кæной синонимтæ æмæ антонимты хицæндзинæдтæ. Стæй ма ныффысой цыбыр нывæцæн дæр. Олимпиадæйы архайы æрмæст горæты скъоладзаутæ нæ, фæлæ ма нæ республикæйы районты ахуырдзаутæ дæр. Хатдзæгтæ республикон къæпхæны хæслæвæрдтæн ирон æвзгæй бæрæг уыдзысты абон. Ирон литературæйæ та райсом.