Мидхъуыддæгты министрады уголовон хайады кусджытæ Краснодары крайы специалисттимæ æрцахстой контрабандисты.
37-аздзыд Краснодары цæрæг уыд федералон агуырды, уыимæ раздæр уыд тæрхонгонд. Фыдгæнæджы азым кæнынц стратегион æмæ ахсджиаг ресурсты контрабандæйæ. Слестгæнджыты хъуыдымæ гæсгæ, нæлгоймаг æнæзакъонæй йæхи бакодта зазхуыз бæлæсты 2 мин кубометры. Паддзахадæн зиан æрхаста 17 милуан сомæн. Знаггадгæнæджы фæхæццæ кодтой Дзæуджыхъæумæ, ныртæккæ у ахст. Гæнæн ис æмæ ахæстоны фæбада 10 азы онг.