Цæгат Ирыстоны æрцахстой, наркотиктæ чи парахат кодта, ахæм закъонхалджыты къорд Уфайæ. Оперативон мадзæлтты фæрцы Мидхъуыддæгты министрады кусджытæ рабæрæг кодтой Башкортостаны дыууæ цæрæджы, 19 æмæ 20 азы кæуыл цæуы, ахæмты.
Цæгат Ирыстонмæ æрцыдысты иу иннæй фæдыл, цæмæй героины тыхтонтæ кæной. Уыцы æвæрæнты барадхъахъæнджытæ ссардтой наркотиктæ. Басгæрстой ма, закъонхалджытæ рæстæгмæ цы фатеры цардысты, уый. Уым дæр ахæм тыхтонтыл фæхæст сты. Героин ныдихтæ кодтой 800 дозæйы бæрц. Слестгæнджытæ байгом кодтой уголовон хъуыддаг Уголовон кодексы 228-æм уацы 3-æм хаймæ гæсгæ. Ныр Уфайæ уазджытæн тæссаг у 15 азы онг ахæстоны фæбадыны тæрхонæй.