Хъомыс раргом кæнын æмæ фидар удыхъæд равдисын. Самбойæ æвзонг хъомылгæнинæгтæ рацыдысты гауызмæ, цæмæй сæ арæхстдзинадæй æмæ уæлахизмæ тырнындзинадæй иннæты сцымыдис кæной. Æвзонг спортсменты бæстон цæттæ кодтой.
Хуыздæры ном райсыныл тох кодтой 160 лæппу æмæ чызджы Цæгат æмæ Хуссар Ирыстонæй, Цæцæны æмæ Кæсæг-Балхъары республикæтæй. Ерысты архайынц 2011-æм æмæ 2012-æм азты гуырд сывæллæттæ. Æвзонг спортсменты фарсмæ сæ хиуæттæ, хæлæрттæ, æмæ, æнæмæнг, тренертæ, уыдон сæ хъомылгæнинæгтыл сæхицæй тынгдæр тыхсынц.
Призёртæ райсдзысты майдантæ æмæ димпломтæ. Уæрæсейы турниры хуыздæр архайджытæн саккаг кæндзысты сæрмагонд хорзæхтæ, райсдзысты спорты дæснымæ кандидатты нæмттæ, уыимæ ма æхцайы премитæ æмæ спортивон уæлæдарæс.
Гом ерыстæ снысан кодтой самбойы Æппæтуæрæсеон бонмæ. Мадзал сарæзтой паддзахадон программæ “Уæрæсейы спорт”-ы фæлгæты. Турнир расидт физкультурæ æмæ спорты министрад, уыимæ ма республикæйы самбойы Федераци.
