Кæрзбæласы, тулдз, тæгæрбæлас æмæ сусхъæды мин талайæ фылдæр хæстæгдæр рæстæг арвитдзысты Черниговы районмæ. Бацæттæ сын сæ кодтой Цæгат Ирыстоны хъæды хæдзарады рæзæндоны. Æрвылаз республикæйы пайдайæн радих кæнынц 250 мин талайы. Кæд куыстыты гуырахст егъау рауад, уæддæр специалисттæн сæ бон регион æнæрхъуыдыйæ ныууадзæн сæ бон нæ уыд.
Æппæт бæлæстæ дæр Черниговы районы ныссадздзысты фæззыгон акци “Сохраним лес”-ы фæлгæты нацпроект “Экологон фæрныгад” æххæст кæнгæйæ. Бынаты фæзындзæн æнæхъæн аллеяйæ. Уый суыдзæн æфсæддон цауты символ æмæ цыртдзæвæн, ссардзысты дзы йæ цард Запорожьейы облæст нацисттæй хъахъхъæнгæйæ чи радта, уыдоны нæмттæ.
Дæлбар районы цæрджытæн æмбæлгæ уавæртæ саразын у сæйраг хæс, кæцы Цæгат Ирыстоны разамынд æнтыстджынæй æххæст кæны. Нæ специалисттæ инфраструктурæ бæстонæй ног кæнынц. Черниговкæ æмæ Новополтавкæ хъæуты цалцæг кæнынц дыууæ скъолайы. Аразджытæ бавнæлдтой мидæггаг куыстытæм. Уымæй уæлдай ма ногæй аразынц бынæттон цæрджыты хæдзæрттæ, сæ алы курдиатмæ дæр сын æргом здахынц.
Иу ахсджиаг æууæл ма ахуырады хæрзхъæддзинад. Къабазы кусджыты зонындзинæдтæ фылдæргæнæн институты специалисттæ сæ фæлтæрддзинадæй дих кодтой Черниговы районы педагогтимæ. Дистанцион хуызы амыдтой семинартæ æмæ лекцитæ. Радзырдтой хъомалады нырыккон фæрæзты æмæ сывæллæттимæ куысты домæнты тыххæй. Ахуыртæ ацыдысты 26 педагогы цыппар программæмæ гæсгæ. Урокты курс ахасты 72 сахаты.
Цæгат Ирыстон Черниговы район йæ дæлбар бакодта дыууæ азы размæ. Сергей Меняйло уынаффæмæ гæсгæ специалисттæ бакодтой егъау куыст, ныртæккæ дæр дзы архайд цæуы. Стыр æвæрæн хæссынц æхсæнадон организацитæ æмæ республикæйы зæрдæхæлар цæрджытæ. Нæ иумæйаг хæс – не ‘мбæстæгтæн фарсмæ балæууын, цæмæй тагъддæр сабыр цардмæ раздæхой.
