Гыццыл раздæр куыд фехъусын кодтой, афтæмæй Цæгат Ирыстоны делегаци архайдта Белоруссийы хъæууон хæдзарады министрады сæрмагонд æмбырды. Сергей Меняйло æмæ профилон министр Къусраты Алан радзырдтой регионы агропромышленнон комплексы сæйраг къабæзты райрæзты тыххæй.
Кондады гуырахст фарон ахызт 63 млрд сомæй, хъæууонхæдзарадон продукцийы кондадон индекс та — 98%-æй. Республикæйы парахат кæнынц сæнæфсир, спаржæ, аразынц хъæрмæуæттæ, дарынц кæсаг. Картофы тауинæгтæ уадзы “Фат-Агро”. Белорусси регионимæ æмгуыстмæ цæттæ у.
