10 гектары зæхх æмæ харбызы бæркадджын тыллæг. Фермерон хæдзарад «Хубул»-ы ацы аз 1 гектары зæххæй æрæмбырд кодтой адджын гагадыргъы 40 тоннæйы. Зайын æй кæнынц ныр 5 азы дæргъы.
Змейкæйы станицæ республикæйы районтæй у фыццаг харбызтæ кæм зайын кæнынц. Фермерон хæдзарад «Хубул»-ы гагадыргъ байтыдтой 10 мин гектары фæзуатыл. Фермер Хуыбылты Виталийы быдырты харбызтæ сты экологон æгъдауæй сыгъдæг.
Республикæйы цæрджытæ дуканиты тæрхæджытыл бынæттон харбызтæ куы фенынц, уæд адис кæнынц. Афтæмæй та Хуыбылты Виталий гагадыргъ зайын кæнын куыст кæны 5 азы бæрц. Фермерон хæдзарад «Хубул»-ы ацы азы тыллæг фаронæй бæркадджындæр у. Уыимæ ма æнæ хъацæнтæй.
Сыхаг быдыры та харбызы куыст кæны Санахъоты Таймураз. Ацы аз байтыдта 5 гектары. Гагадыргъы тыххæй алцыдæр зоны. Фермеры ныхæстæм гæсгæ, сæ тыллæг боныхъæды аххосæгты тыххæй фарон уыд хуыздæр.
Адджын харбызтæй Кировы районы адджын харбызтæ алкæддæр хъæздыг уыд. Ныртæккæ фермерты æххуысæй гагадыргъ ногæй районы парахат кæны.
Бирæтæн харбыз у сæ уарзондæр гагадыргъ. Сæрдыгон тæвд боны сæтты адæймаджы дойны. Змейкæйы адджын æмæ рæгъæд харбызтæ та тагъд рæстæджы уыдзæн фенын бынæттон дуканиты. Фæнысан кæнын ма хъæуы уый, æмæ сæ аргъ дæр уыдзæн къаддæр.