Социалон контракттимæ куыст апарахат кæнын, ног куысты бынæтты тыххæй инвестицион проекттæй пайда кæнын, куыстдæттæн армукъатæ аразын æмæ ахсджиаг куыстуæтты архайдмæ хъус дарын.
Ахæм уынаффæтæ æххæстгæнæн оргæнтæн радта премьер Дзанайты Барис куыстдæттыны фарстаты фæдыл æмбырды рæстæг. Профилон комитеты сæрдар Платы Альбинæйы ныхæстæм гæсгæ, æгуыст адæмы нымæц фæкъаддæр кæныны тыххæй 2022 азы республикæйы æххæст кодтой 2 паддзахадон программæйы. Сæ нымæц дыууæ мины къаддæр фӕци. Уымæй уæлдай, цæрджыты хицæн категоритæ райстой профессионалон ахуырад.
Социалон контракты æххуысæй куысты ныллæууыдысты 300 цæрæгæй фылдæр. Регионы дарддæр æххæстгонд цæудзæн «Мæгуырдзинадимæ тохы» программæ дæр.