Коронавирусы ног хуызæй Уæрæсейы фæрынчын сты ноджы 163 адæймаджы. Афтæмæй, сæ иумæйаг нымæц схызт 658-мæ. 29 адæймаджы сдзæбæх сты. Ахæм бæрæггæнæнтæ æвдыст сты, мониторинг кæм аразынц, уыцы официалон сайты.
Цæгат Ирыстоны коронавирусæй рынчынтæ нæй. Уый тыххæй хъусын кæнынц Фæлхасгæнджытæм цæстдарды регионалон управленийæ. Дарддæр æххæст кæнынц инферци ма ’руадзыны тыххæй æппæт хъæугæ мадзæлттæ. Алы бон дæр хицауад аразы сæрмагонд æмбырдтытæ. Оперативон штаб, нæ республикæйы цы уавæр ис, уый тыххæй адæмæн хъусын кæны. Арæнты сæрты чи хизы, уыдонæн аразынц иртæстытæ. Знон фæгуырысхо сты, Израилæй чи ссыд, уыцы сылгоймаджы уавæрыл. Уый дæр ацыд медицинон æркаст. Йæ бæрæггæнæнты тыххæй нын радзырдтой специалисттæ.
8-800-301-20-68 – ахæм у коронавирусы ныхмæ æвæстиатон бастдзинады номыр. Йæ тыхы ис карздæр цæттæдзинады уынаффæ. Бафыста йæ республикæйы сæргълæууæг. Бар нал ис дзыллон æмбырдтытæ аразын. Æхсæнадон бынæттæ æххæстæй сты æхгæд. Ивгъуыд бонты ма сæ куыст æрлæууын кодтой кинотеатртæ æмæ спортивон залтæ. Специалисттæ адæмæй курынц, цæмæй æнæхъуаджы æддæмæ ма цæуой. Фылдæр æргом здахой сывæллæтты æдасдзинадмæ.
Карантин æмæ карз цæттæдзинады домæнтæ ма халыны тыххæй республикæйы цæрджытæм фæсидт Цæгат Ирыстоны сæргълæууæг Битарты Вячеслав.
