Цæгат Ирыстоны кусы æвзæрстытæм цæстдарды штаб. Йæ уæнгтæ систы æхсæнадон палатæйы минæвæрттæ, æхсæнадон æмæ æнæкоммерцион организациты архайджытæ, юристтæ æмæ медиакъабазы специалисттæ.
Штабы уæнгтæ сæ цæст дарынц, республикæйы æвзæрстытæ куыд цæуынц, уымæ. Штабы кусы видеоцентр дæр. Видеокъулыл æхсæвæй-бонæй фенæн ис республикæйы æппæт æвзарæн хайæдтæ дæр. Республикæйы æхсæнадон палатæ æмгуыстады бадзырдтæ бафыста æхсæнадон организацитæ æмæ политикон партитимæ. Хъæлæс кæныны бонты архайдзысты 700 æхсæнон цæстдарæджы. Фидаргонд æрцыдысты 335 участоччы. Æхсæнадон штаб кусдзæн, цалынмæ æвзæрстыты хатдзæгтæ сбæрæг уой, уæдмæ.
