Цæгат Ирыстоны Паддзахадон университеты бар уыдзæн ахуырадон проект NICA-йы бацархайын. Университеты физикон-техникон факультеты декан Ингæ Тваурийы ныхæстæм гæсгæ, студенттæ ныр сæрмагонд проекты фæлгæты кæндзысты иртасæн куыст.
Ахуыргæндтæ куыд зæгъынц, афтæмæй факультеты бындурыл ныр кусы нымайæн кластер. Лабораторийы кусджытимæ æмархайгæйæ кластеры куыст банывыл кæндзысты. Кластер баст уыдзæн тыхдæттæг комплекс НИКА-имæ, уыимæ Ядерон иртæстыты иугонд институтимæ. Йæ авналæнтæ сты бирæ фылдæр. Иртасæн куысты дæр ахуыргæндтæн сæ авналæнтæ фæфылдæр уыдзысты. Фæстæдæр нымайæн компьютер баиу кæндзысты Ядерон иртæстыты иугонд институты суперкомпьютеримæ. Студенттæн фадат уыдзæн хъуыдыкæнынады ног хуызтыл бæстондæр кусын, æмæ сæ парахат кæнын. Тыхдæттæг комплекс НИКА у «мегасайенс» кæй хонынц, уыцы æхсæз проекттæй иу. Аразын æй райдыдтой 2016-æм азы. Йæ фæлгæты конд æрцыд цалдæр иумæйаг конференцийы, дæсныйад æвдисæн ахуыртæ, стæй горæт Дубныйы ядерон иртæстыты иугонд институты кусджытимæ фембæлдтытæ. Ахæм æмгуыстадæн ныридæгæн ис цæгатирыстойнаг университеты студентты размæ уæрæх фæндæгтæ чи гом кæны, ахæм ахадгæ бæрæггæнæнтæ.
