Цæгат Ирыстоны паддзахадон университеты наукон чиныгдоны æвддæсæм хатт ацыдысты «Колмогоровы номыл кæстытæ». Мадзал фыццаг хатт сарæзтой 2003 азы. Ацы аз аххæсдзысты 2-æм мартъийы онг.
«Колмогоровы номыл кæстыты» сæйраг нысан у нæ республикæйы математикон ахуырады зонындзинæдтæ апарахат кæнын, наукæйы ‘рдæм зæрдæргъæвд чи у,ахæм курдиатджын скъоладзауты та ныфс бауадзын. Архайджытæн, ома скъоладзаутæ, студенттæ æмæ ахуыргæнджытæн сæ бон уыдзӕн сӕ тыхтæ бавзарын цалдæр номинацийы. Уæлахиздзаутæ дарддæр архайдзысты æппæтуæрæсеон конференцийы Мæскуыйы.