Славяйнаг фыссынад æмæ культурæйы бон сбæрæг кодтой Цæгат Ирыстоны паддзахадон университеты уырыссаг филологийы факультеты дæр.
Ацы аз мадзалмæ фæхуыдтой Донбассæй сывæллæтты. Бацæттæ сын кодтой университетыл экскурси. Уазджытæ стыр аргъ скодтой алайнаг культурæйы музейы экспонаттæн. Базонгæ сты студентты аивадон цардимæ дæр. Уый фæстæ та лекцийы хуызы фæлтæрдджын специалисттæ бæстонæй радзырдтой уырыссаг æвзаджы историйы тыххæй цымыдисаг цаутæ.
Уымæй уæлдай ма, æппæт архайджыты дæр фадат уыд бацархайын викторинæты. Афтæмæй, хуыздæр зонындзинæдтæ чи равдыста, уыдонæн лæвар кодтой зæрдылдарæн лæвæрттæ.