Цæгат Ирыстоны расидтысты конкурс хуыздæр мультимедион проект ирон æвзагыл «Æ-технология», зæгъгæ. Арæзт цæуы æхсæнадон организаци «Ирон федераци»-йы хъæппæрисæй.
Конкурсы сæйраг нысан у ирон æвзаг хъахъхъæнын æмæ йæ медиа-фæзуатыл парахат кæнын, культурон æмæ удварны хæзнатæ сæфын ма бауадзын. Уæдæ ацы къабазы чи архайы, уыдонæй курдиатджындæрты равзарын æмæ сын сæ архайды æххуыс кæнын.
Конкурсы бацархайыны бар ис се ‘ппæтæн дæр – сценаристтæ, мультипликатортæ, програмисттæ, сфæлдыстадон къордтæ, литератортæ, хицæн адæймæгтæ æмæ къордтæ. Куыстытæ бадæттæн уыдзæн 5 октябрмæ. Конкурсы равзардзысты 3 хуыздæр куысты. Уæлахиздзауты схорзæхджын кæндзысты дипломтæй, уыимæ ма сын ратдзысты æхцайы фæрæзтæ 30, 15 æмæ 7 мин сомы.